Учрашувда Ўзбекистон ва “БМТ-аёллар” тузилмаси ўртасида гендер тенгликни илгари суриш, хотин-қизлар ҳуқуқларини ҳимоя қилиш, уларнинг мамлакат ижтимоий-сиёсий ва иқтисодий ҳаётидаги фаол иштирокини қўллаб-қувватлаш соҳасидаги ҳамкорликни кенгайтиришнинг амалдаги натижалари ва истиқболлари муҳокама қилинди.
Сўнгги йилларда Ўзбекистон тенг ҳуқуқ ва имкониятлар сиёсатини амалга оширишда сезиларли ютуқларга эришганини таъкидланди.
Бошқарув ва парламентда аёллар улуши ортгани, 25 минг нафар етакчилик салоҳиятига эга хотин-қизлар захираси шакллантирилгани, 2030 йилга қадар Ўзбекистон Республикасида гендер тенгликка эришиш янги стратегияси қабул қилингани каби асосий ютуқлар таъкидлаб ўтилди.
Учрашув якунида томонларнинг Барқарор ривожланиш мақсадларига эришиш ва институтсионал ҳамкорликни мустаҳкамлашга қаратилган ҳамкорликни кенгайтириш ҳамда қўшма лойиҳаларни амалга оширишга тайёр эканлиги билдирилди.
