Ushbu parallel sessiya gender tenglik va ayollar huquqlarini kengaytirishda genderga yo‘naltirilgan byudjetlashtirishning (GYB) o‘zgaruvchan salohiyatini o‘rganish uchun butun dunyo bo‘ylab ekspertlar va amaliyotchilarni birlashtirdi.Bir qator taqdimotlar va interaktiv munozaralar orqali ishtirokchilar genderga yo‘naltirilgan byudjetlashtirishning asosiy tamoyillari va metodologiyalari, shuningdek, ularni turli kontekstlarda amaliy qo‘llash haqida tushunchaga ega bo‘ldilar.
Ushbu taqdimotlar genderni byudjet jarayonlariga integratsiyalashning innovatsion yondashuvlarini yoritib beradi, bu xarajatlar siyosatining gender tahlilidan tortib, monitoring va baholash uchun genderga taalluqli ko‘rsatkichlarni ishlab chiqishgacha bo‘lgan jarayonni o‘z ichiga oldi.
Ishtirokchilar sessiya doirasida o‘zaro muloqot qilish va GYB orqali gender tenglikni taʼminlash bo‘yicha o‘z tajribalari va g‘oyalari bilan o‘rtoqlashish imkoniga ega bo‘ladilar. Natijada ishtirokchilar GYBning genderga bog‘liq siyosat va byudjetlashtirishni targ‘ib qilish vositasi sifatidagi salohiyati, shuningdek, genderga yo‘naltirilgan byudjetlashtirish tamoyillarini o‘z ishlariga va advokatlik harakatlariga integratsiyalashning amaliy strategiyalari haqida chuqurroq tushunchaga ega bo‘ldilar.Sessiyada hukumatning turli sektorlari va darajalarida genderga yo‘naltirilgan byudjetlashtirishni amalga oshirish bilan bog‘liq muammolar va imkoniyatlarni, jumladan, siyosiy majburiyat, institutsional salohiyatni oshirish va manfaatdor tomonlarni jalb qilishning ahamiyati o‘rganildi.
Bundan tashqari, 2050 yilga borib iqlim o‘zgarishi yana 158 mln ayol va qizni qashshoqlikka, 236 mln ayolni esa ochlikka duchor qiladi. Ayollar va qizlar iqlim o‘zgarishi oqibatlaridan eng ko‘p zarar ko‘radi, iqlim o‘zgarishi mavjud gender tengsizlikni kuchaytiradi va ularning hayoti, salomatligi va xavfsizligiga misli ko‘rilmagan tahdidlarni keltirib chiqaradi. Iqlim o‘zgarishiga moslashish xotin-qizlardan tajriba va ekspert bilimlarni talab qiladi.
Sessiya ishtirokchilari genderga oid sezgir yondashuvlar xotin-qizlarning atrof muhitni muhofaza qilish, yashil iqtisodiyot va iqlimni boshqarish bo‘yicha qarorlar qabul qilish va siyosatni ishlab chiqish jarayonlarida ishtirokini qanday rag‘batlantirishi mumkinligini, shuningdek, yashil iqtisodiyot va genderga sezgir iqlim harakati o‘rtasidagi o‘zaro taʼsirni muhokama qildilar.